E whakarewahia ana e Te Rau Ora ēnei rauemi hei whakanui i Te Wiki o Te Reo Māori 2019. Ko ‘Kia Kaha te reo Māori’ te kaupapa matua o tēnei wiki nō reira i whakaaro ai mātou me whakamāori ētahi rauemi e whakakaha ana i te hauora o te tangata Māori, ā, ko te reo Māori tonu te tāhūhū. Nā wai rā, ka hua ko ‘Tū Whānau Mai’, ko ‘Hei Āpōpō!’.
He rauemi ēnei hei āwhina i te hunga pāpōuri me ō rātou whānau kia kauparehia ai te mate whakamomori. Ko ngā kōrero katoa o roto i ahu mai i ngā whānau Māori, i ngā mātanga hauora hinengaro, i ngā mātanga kaupare mate whakamomori hoki. Ka mutu, ko te whāinga matua o ēnei rauemi he whakarauora i te mauri o te tangata me tōna whānau kia tū mārohirohi ai i tēnei ao hurihuri.
Pēhia ngā pikitia kei raro iho nei kia hono atu ki ngā rauemi:
